حسين بادشاهه
حسين بادشاهه
حسين بادشاهه: ليکڪ، مترجم ۽ محقق، حسين بادشاهه جو پورو نالو محمد حسين بادشاهه آهي. هن 29 آڪٽوبر 1967ع تي محمد موسيٰ سومري جي گهر جنم ورتو، جيڪو پڻ اديب ۽ ترجمي نگار هو. حسين بادشاهه پرائمري تعليم ڪراچيءَ جي هڪ اسڪول مان حاصل ڪئي؛ مڊل تائين سنڌ مدرسة الاسلام ڪراچيءَ ۾ ۽مئٽرڪ نور محمد هاءِ اسڪول مان پڙهيو. انٽرميڊئيٽ به حيدرآباد مان ڪرڻ بعد هن بي. اي ۽ ايم. اي (پوليٽيڪل سائنس) 1994ع ڌاري سنڌ يونيورسٽيءَ مان ڪئي. کيس ننڍپڻ کان لکڻ پڙهڻ جو شوق رهيو. هن مختلف سنڌي اخبارن ۾ رپورٽر ۽ ڪمپيوٽر آپريٽر طور به ڪم ڪيو، روزاني جنگ جو رپورٽر به رهيو، سنڌي اخبارن ۾ ڪالم، مضمون ۽ فيچر به لکيائين. سندس ڇپيل ڪتابن ۾ هيٺيان ڪتاب شامل آهن:
(1) ’حيدرآباد جي تاريخ‘ (ترجمو: 2003ع)، (2) ’ڏند ڪٿائون ۽ قصا‘ (2003ع)، (3) ’سنڌ جو سوشلسٽ صوفي: شاهه عنايت شهيد‘ (سهيڙيل: 2004ع)، (4) ’رامائڻ‘: راج گوپال (ترجمو: 2004ع)، (5) ’زلفي منهنجو دوست‘ (ترجمو: 2005ع)، (5) ’سنڌ ۾ جاگيرن جي تاريخ‘ (ترجمو: 2005ع)، (6) ’ميرا دوست زلفي‘ (2005ع)، (7) ’سنڌي واپاري‘ (ترجمو: 2005ع)، (8) ’سنڌ جا پير‘ (برطانوي دور: ترجمو)، (9) ’پاڪستان پينل ڪوڊ 1860‘ (ترجمو: 2006ع)، (10) ’سماجي معاهدو‘ (2006ع)، (11) ’سنڌ گزيٽيئر‘: اِي. ايڇ. ائٽيڪن (ترجمو: 2006ع)، (12) ’هٽلر جي آتم ڪهاڻي‘ (ترجمو)، (13) ’گوتم ٻُڌ‘ (ترجمو)، (14) ’هير رانجهو‘ (ترجمو: 2007ع)، (15) ’سرچاءُ‘ (شهيد بينظير ڀٽو: ترجمو: 2008ع)، (16) ’منهنجي پياري ڌيءُ پنڪي‘ (ترجمو:2008ع)، (17) ’ڌرتيءَ ڌيءُ‘ (محترمه بينظير شهيد جي آتم ڪهاڻي: ترجمو:2008ع)، (18) ’سنڌي واپارين جو بخارا کان پناما تائين واپار‘ (ترجمو).
حسين باگن (ديهه): تعلقي ساماري جي هڪ ديهه، جنهن ۾ هيٺيان ڳوٺ شامل آهن:
جڻيو چاوڙو، وسؤ خان ڪپري ۽ اوطاق علي محمد ڀرڳڙي.
لفظ حسين بادشاههھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1967.10.29 عيسوي
ليکڪ، مترجم ۽ محقق، حسين بادشاهه جو پورو نالو محمد حسين بادشاهه آهي. هن 29 آڪٽوبر 1967ع تي محمد موسيٰ سومري جي گهر جنم ورتو، جيڪو پڻ اديب ۽ ترجمي نگار هو.
شخصيتون - ڀاڱي جون ٻِيون داخلائون
نوشين شيخعبدي مولوي عبدالقادر
الحاج سيد حاجي عبدالرحيم شاهه
پروانو سيوهاڻي
جمن دربدر
برائن بونڊ ڊاڪٽر
امير علي شاهه ڄاموٽ
دين محمد لاشاري
چغدي بيگ
الهداد خان صوفي نواب